الاباحية فى بمصر ؟؟؟؟

بسم الله الرحمن الرحيم

السلام عليكم ورحمه الله وبركاته

هل تؤيد حجب المواقع الإباحية بمصر؟

لماذا لا يتم حجب المواقع الاباحية فى مصر ؟

هو ايه فائدة عدم حجب المواقع الاباحية فى مصر ؟

مش عارف....... صح؟؟؟؟

بتزود الدخل مثلا ؟ ....لأ

بتجيب سياحة ؟....... لأ

بتجيب دولار ؟....... لأ

بتجيب ضعف جنسى ؟...... اه

بتجيب خراب فى البيوت ؟...... اه

بتجيب وبتشجع على جرائم الاغتصاب ؟ .......اه

الخ الخ الخ الخ .........

طب ساكتين ليه فى مصر عليها ؟ مش عارف
طب سؤال تانى لو مصر حجبت المواقع الاباحية هيبقى خير ولا شر ؟
طب لو خير منعملوش ليه ؟
طب لو شر منمنعوش ليه ؟

وأهم الأشياء الضرورية التي ترعاها الشريعة الإسلامية لجميع رعاياها، ألا وهي : الدِّين، النفس، العقل، النسل، والمال
والمواقع الاباحية بلا ريب تقضى عليها جميعاً
حاجة تجنن المجنون ............ .
الموضوع ده شاغلنى منذ فترة كبيرة ومش عارف ازاى ممكن يتحقق !
يعنى مين يساعد!
مين يضغط على أصحاب القرار فى الموضوع ده !
كلنا شفنا مثلاً دعوات الاضراب اللى ملت الانترنت بمعدل كل شهر اضراب، وفيه منها كان له تأثير ومنها لأ، وبغض النظر عنها انا اللى يهمنى ان الانترنت ده عفريت قوى كامن ممكن يعمل تغيير نحو الخير ونحو الشر وانا هنا ان شاء الله ادعوكم جميعاً الى الخير وهو ايه
دعوة عامة الى حجب المواقع الاباحية بمصر !!!!!!

انا متفائل بنجاح الموضوع ده ليه؟ لانه مش ضد حد خالص (بيتهيألى كده) ومحدش هيقدر يدافع عن عدم الحجب ! ( أتمنى لان فيه ناس بجحة بشكل غريب )لانه سوف يتم اتهامه بتهم اخلاقية ذميمة وهيترمى فى مزبلة التاريخ وهيخاف يدافع حتى لو من جواه مش موافق لسبب او لاخر! .......صح؟؟؟

الامارات طبقت الحجب فى أبريل 2008 --- طيب مصر امتى ؟

فلو قلنا الدش صعب ازاى هنمنع القنوات الاباحية ؟ طيب الانترنت سهل جداً عن طريق حجب الآى بى ويتم تطبيق ذلك فى معظم الدول العربية مثل الامارات والسعودية وغيره يعنى الفكرة مش جديدة بس ليه مش مطبقة فى مصر مش عارف ! طب انت عارف طيب تريحنى وتقولى ؟

بس عاوزك تتخيل حاجة صغيرة ان شاء الله لما الموضوع ده يتحقق ( قريب ان شاء الله ) هتبقى ليك كام حسنة عند المولى عزوجل انك شاركت فى حماية شباب بلادك ! متخيل
باختصار الموضوع جاهز وعاوز زقة صغيرة منك ومنى ومن كل مسلم غيور على دينه وانا مستغرب جداً هو ازاى فى بلد اسلامى وبلد الازهر كمان لم يتم حجب المواقع من البداية مش من دلوقتى وبس !!! بس مش مهم اهو ما لا يُدرك كله لا يُترك كله، ونلحق اللى لسه مشافش ومعرفش ... وناخد احنا الثواب ان شاء الله
انا دخلت على موقع ترتيب المواقع لكل بلد فلقيت فى معظم الدول العربية كام موقع جنسى فى صدارة أكثر مائة موقع يدخلها المواطنون العرب، فى مصر مثلاً المواقع الاولى جوجل وياهو وميكروسوفت وفيسبوك ومصراوى والبلوجز ومواقع رفع الملفات وبداية هذه المواقع الاباحية من رقم 25 تخيل ده بيدخلوا كام مليون مصرى يومياً ؟؟؟
** لو حد ممكن يُلحق الموضوع ده بالحملة اللى كانت منتشرة على الفضائيات لعلاج حالات ادمان المخدرات واهو كله ادمان برضوا يبقى كتر خيره
** لو حد يعرف نائب فى مجلس الشعب يتبنى تقديم طلب احاطة يبقى كتر الف خيره
** لو حد يعرف يوصل لقناة فضائية تعرض الموضوع وتتبناه يبقى كتر الف خيره
** لو ممكن اى مصمم يزودنى بمجموعة تواقيع وشعارات وخلفيات تخدم الموضوع
** وان شاء الله انت انوى خير بس وربنا هيشرح صدرك لفكرة تحقق الهدف ان شاء الله تعالى
وانا حاسس انى لو مكتبتش فى المدونة دى غير الموضوع يكفينى ذلك لانى حسب علمى لم أسمع عن حملة بهذا الشأن أبداً ولا طلب من أى جهة وكأن الموضوع ده من المسلمات – هو كده --وبفضل الله لو حد سبقنى اهو برضوا أكرر الطلب وأكمله ان شاء الله

اخى الفاضل انا معاك في كل كلمة قولتها وهاتقولها في هذا الموضوع انا مع حجب المواقع الاباحية ومنعها تماما ولكن يااخي هذا الحجب لن يمنع الفساد ان ينتشر ولكن عدم انتشار الاباحية يكون بالايمان التام لانة من الممكن ان يتم حجب المواقع ولا يوجد ايمان ويذهب الشباب الي اي اماكن اخرى ولكن بالايمان والعزيمة سنتخلص من كل هذة الشرور
تقبل تحياتي ومروري
اخوك
خالد

اخى الجميل خالد اولا شكرا على مرورك ومشاركتك الجميلة دى وانت كمان عندك حق فى اللى بتؤلة وشكرا كمان على تشجيعك ,,,,,,,,, نفسى الناس تصحى بئة يا خالد

لا شكر علي واجب

يا ريت يتم حجب المواقع دى ربنا ياخد اللى بيعملوها